Reister NOW!! 馬上註冊,了解更多活動內容,享用更多功能,讓你輕鬆玩轉S&B。
You have to Login for download or view attachment(s). No Account? Register
x
未學行先學走 · 一歲快樂
咁就一年啦
呢一年來 我是個被S&B同大佬寵壞嘅小孩 未學行先學走,暴風式成長
長輩話 係艇仔掉啲細路落海,就好快學識游水架啦
零性經驗 完全沒有與異性親密接觸經驗 嘴無錫過,手無拖過,拖無拍過,甚至未涉足成人酒池肉林嘅世界 就直接越級挑戰,一口氣挑機最高階嘅big boss—— ‘sex party’
但呢個不平凡嘅經歷,亦註定不平坦,更具挑戰性 除左「破處」,實在仲有好多好多嘅「第一次」,需要handle同衝破 但我一直很努力地,以我嘅視覺和步伐,一步一步嘗試解讀和適應呢個成人世界 真係鼓起左最大最大嘅勇氣,每次都同自己講:「再試多次」 好似舊海綿咁,不斷吸收學習...
因此本篇會係《第一次嘅笫一次》嘅延伸 紀錄我嘅一步一腳印,跨過嘅無數第一次sss 以及入會後唔同階段對性嘅不同解讀
第一章:醜小鴨
人生第一次… 遇上要看臉看身材嘅狀況
平常唔太打扮自己 素臉朝天 性格、衣著亦比較男仔頭嘅我 兩年前走出溫室,嘗試將自己推出去競爭大又速食嘅交際市場 才驚覺在這花花世界,天下美人何其多,爭妍鬥麗 外貌,原來係男女遊戲嘅一張入場卷
什麼...是性感?
我凝視著鏡子內赤裸嘅自己,第一次這樣認真審視這副皮囊嘅一邊一角 從來無人話過比我聽,究竟我美不美,身材正唔正,有咩特質特別吸引 「性感」一詞,更是從未套用過係我身上
什麼稱之為性感,男士嘅審美觀係點,其他女士係如何嘅呢,我統統一竅不通 這裏捏捏,那裡照照,一邊聯想著鹹片入面秀色可餐、玲瓏浮凸嘅AV女優 即刻一額汗 真係會有男士接受這樣平庸又毫無女人味的我嗎?甚至會對我有性趣,邀請我?
入會後見到各式各樣嘅俊男美女,唔同會員都有唔同嘅閃光點 可能係技巧、健美身材、反應、談吐、幽默... 性吸引力原來唔只黎自外表 人係立體嘅,唔同睇AV,真正接觸一個人,實在有好多因素影響佢所散發出黎嘅費洛蒙 有啲人,衣著並不清涼,亦沒有刻意地擠眉弄眼,但就係唔知點解可以無聲地散發出誘人嘅韻味,好似一條羽毛,輕搔著共處一室嘅每一個人
性感有好多唔同嘅面向和展現 而好多係可以後天彌補,或者係自己天生有,而之前係從來無發現過 或者撇除外貌,Brainy is the new sexy… 又或者性感只係其中一個turn on人嘅特質,清純、玩味、反差、女皇...有好多好多特質,有待大家發掘
因為咩嘢turn on,感覺黎到有時真係解釋唔到 講到底只係人夾人嘅姐,感覺係主觀嘅,都無得計較同逐個數 甚至有時可能係因為一啲自己以為嘅不完美
直到現在,我還在到處拼揍「我」嘅拼圖 一點一點的點亮,讓我看清和重新認識自己
第二章:男士
男生,係一個咩概念?
未曾同一個男士,靠近到聞得到佢身上嘅氣味,感受到佢臉上絨毛輕搔我頸肩,聽得到佢加快嘅心跳聲和呼吸 突然縮短嘅社交距離 陌生嘅雄性氣息縈繞在一呼一吸之間 耳尖被吹得發熱,染上一抹紅
成熟男士滿溢嘅雄性荷爾蒙,向我迎面襲來 到底男人味,係咩味?
被男人擁在懷 好似有面城牆係背後,擋住凜冽嘅風,係臂彎之間,圈起了一個特別領域 空氣就像突然靜止了,安撫躁動嘅情緒
不同於男孩嘅精瘦白皙 結實嘅胸膛起伏著,低沈嘅嗓音在耳邊echo 帶有薄繭嘅大手環過我嘅腰 刺刺嘅鬚根,說話時輕搔著我後頸 我嗅一嗅... 那不是男孩,夏日打完波嗰陣汗味溝止汗劑嘅味道
前調,係古龍水混合薄荷味 中調,汗味混雜洗頭水嘅味道 後調,係帶有餘韻嘅壇香味
原來,這就是男人味
常說女人多變 但原來男人才是天生嘅「一體兩面」
全身肌肉蘊含嘅力量,讓肢體每次係空中劃過,都好似用力揮動羽毛球拍咁,帶風、有聲 但對待女生時,卻是當成易碎品般輕放愛護 紳士有禮嘅談吐,不急不躁嘅語速 話裏行間,嘴裏卻又會自然地吐出撩人嘅對白
在正邪之間遊走,讓人漸漸迷失係呢場你追我逐和拉鋸之中 係灰色地帶彈出彈入,蜻蜓點水般挑戰道德和人與人嘅界線
入門前衣冠楚楚,入房前正人君子 但關上房門後,解除自制力和面具,釋放原始慾望和獸性,那摒棄理智和風度嘅微醺表情,才是男人嘅真正面目嗎?
從來無人向我直面咁表露過,佢對我嘅性慾望 男士對我有性趣嘅呢種表情,第一次咁明目張膽、肆無忌憚地係我面前展露…
雙眸先是劃過一抹驚艷,目光潰散,呆了一呆 但這只維持一刻鐘,便瞬間變成狩獵嘅銳利眼神 眼眸裡滿是燒滾嘅慾望,以及勢在必得嘅野心 好似化身反派男主角 帶丁點兒蔑視和邪氣,視線係我嘅酮體上遊走 瞪大嘅雙目,眼珠彷彿也快要掉下來,目光雖然深邃,卻好似只淺淺的滑過皮肉,進不到心底和靈魂去 本身已經近乎赤裸嘅身軀,此刻,更像是被扒下埋僅餘能掩體嘅皮膚
呢種視我為一個女人般嘅打量,是新鮮的 我不禁想,究竟男士睇到啲咩?係男士嘅視覺,究竟「我」係點嘅呢?究竟我有咩吸引力?
但剛開始實在唔習慣呢啲注視 全身赤裸地,面對著陌生人,做我唔識嘅事 嚴重缺乏自信心,做不到坦然無懼地回視這樣猛烈嘅目光 無暇解讀呢啲目光蘊含嘅欣賞和挑逗 於是常逃避對視,摺起收埋自己 更別提,要主動引誘男士,臣妾做唔到...
同時不安份嘅手手,好似要掂住我皮膚先通到電咁 著了迷般順著身體輪廓,反覆摩挲著豎起嘅毛孔… 對我說著下流嘅淫詞穢語,手肆無忌憚地探進我衣服內,親著我...
呢個係咩感覺? 被渴望、被需要嘅感覺嗎?
第三章:I don’t know how
事實證明飲AV奶水大,唔代表真係識做 好多方面,尤其人與人之間嘅交流,係明刀明槍進入正題嘅AV學唔到嘅
好似in一份工,仲要係匯集行內精英嘅龍頭公司 面試官問你有咩工作經驗,然後我攞住份空白嘅CV,講我係黎攞經驗架,仲要其他員工幫手教翻我轉頭
有一段好長時間,我入房前會緊張,會擔憂自己不能令對方盡興
普通新會員通常都有適應期,可能會懊惱發揮唔到原本實力,但對會內氣氛和會員比較熟悉後,就很快如魚得水 但我係要由零開始學習,呢個適應期簡直漫漫長路
第一步:究竟該如何開始 雖然S&B可以比大家省略好多步驟 但基本結識一個人該有嘅禮儀,簡單交談,讓彼此感受各自魅力和性格特點,還是要有的 點樣邀請人或接受邀請入房呢? 入房後又要點樣交流呢? 異性之間嘅交流 看似很簡單,但對於我黎講係新鮮嘅,而且唔容易掌握 尤其係呢度,所有野都係較左fast forward
男女係點樣互相吸引架? 平時男生係點樣搭訕架?女生又會點回應架? 上到床一開頭究竟要做乜嘢架? 萬一男士未入狀態,應該點做?????? 我唔識啊啊啊啊——————
剛開始搞不懂男生嘅生理結構 究竟係觸動了哪些機關,轉動了哪個齒輪,才trigger到勃起 哈,應該話我連幾時已經勃起,都唔知
只是蓋上被被躺在一起 或是輕輕一抱 乜都無做過,連衫都無除過 男士拉著我嘅手下去佢褲襠 我:????
這是…硬了嗎? 滿頭問號風中凌亂…
雖然話practice makes perfect 但上左岸梗係咁講啦 未掌握嘅時候,自不期然好想大喊:究竟呢刻要點樣渡過——!
只能話真係好感激各會員嘅包容,比小妹機會嘗試同磨練,亦都很願意教
後來我轉念一想 咁至少我有一個優點嘅,就係進步空間好大,所以每次入房都必然會有野唔同左,自帶新鮮感咳咳咳
第四章:精神交流
我擔憂過 會唔會一開葷已經食慣左好野,搞到餵大左胃口 但我從未想過 在這之前,面對嘅會係另一個問題 「會唔會有一天對性感到厭倦」 有好一陣子,我發覺自己嘅感覺無以前那麼大了 就好似性冷感了般 是壓力嗎?狀態不佳嗎? 還是性愛也會因為刺激得太多,而麻木了嗎?
長期浸淫 太容易得來,太隨手可得 性事不再神秘神奇,變成日常 是否讓我對性愛不再感到特別期待,不再悸動了?
咁樣百花叢中過,片葉不沾身好似都幾爽 但時間耐左 就變成流過手心嘅沙子 成日觸手可及,但實質咩都抓唔住
悵然若失嘅感覺 差一點點就吞噬了我
後來,我發現,原來咁係因為 係我嘅性愛觀入面,缺少了一個很重要嘅元素——「精神交流」
我一直唔係幾享受到接吻嘅樂趣 可能係因為接吻有時比起插入,來得更親密,更負距離 接吻嘅享受係精神多於生理層面
臉孔突然變大 空降下來 堵上我的嘴 軟軟黏黏嘅觸感 陌生嘅唇舌係我嘴唇口腔攪合著 說著無聲嘅語言 好多人話接吻是在對話 是在打破隔膜拉近彼此距離,感受情緒流動
我張開眼睛 不解地看見瞇著眼越發陶醉嘅男士 或許觸覺神經傳來嘅訊息太overwhelming 腦袋只有一片空白 好似一碌木,接收唔到對方傳遞過來滿腔嘅熱情
我一直自詡係一個無愛,只有性嘅人 我不懂男女之間嘅來電感覺,不懂享受精神上嘅調情
直到我發現 即使係與同一個人玩樂,同一種姿勢力度,身體嘅感官反應都可以唔同 原來,我嘅情緒,係擔當著一個重要嘅角色
Pleasure or intimacy? 原來唔係一個二元分立嘅命題 性愛,兩者真係相輔相成,不可分割 天啊,我終於理解到某資深會員曾經講過嘅野 無一個好嘅chemistry,無情感交流,係不可能成就一場美好嘅性愛 原來我有無feel,真係會make a difference
第五章:More than Sex
性愛好似變得唔再純粹
原本嘅我,自己匿埋係房播下AV、DIY下,已經可以好開心好滿足 但當性涉合左另一個人, 甚至係人ssss 加上係一個咁特別嘅setting進行 好似變成一場複雜嘅遊戲
那到底是變得開心了,還是不開心了呢?
DIY一定會快樂, 但原來,與真人嘅性愛,不一定會快樂
心目中嘅性愛,上升去了另一個層次 但同時 明明本身,性係我最直接最簡單快捷可以獲得嘅滿足和快樂 宜家卻變得複雜了,難滿足了 要獲得高潮,要完全投入,難左好多
性,不再純粹了 我嘅初心係黎自,性帶來最純粹最簡單嘅歡愉和快感 係生理上嘅刺激和悸動 但現在嘅我卻不能否認, 我也同時在享受別人對我嘅渴求和吹捧 我指責著這個陌生嘅自己:「你到底是在單純追求性歡愉,還是在從肢體接觸和美言中,獲得空洞嘅安全感」
同時,身爲「Rapunzel溫」(溫習功課) aka 廳長 好多時就算唔入房,待在會場都好開心 我自己就最感覺到改變 一直以來我都好忙,無咩自由時間去玩去休息 以前每隔一排,生理同心理都會爆煲一次 呢一年更加係我經歷最大挑戰嘅一年 但有大家嘅陪伴, 竟然變得感覺唔係好辛苦 我發覺原來容許自己休息一下,我並唔會因為呢一下鬆懈而損失什麼,反而卻因此能走更遠嘅路 一條緊繃嘅橡筋好容易斷,但幾條捆埋一齊,韌性加強左好多倍,點拉都唔斷
原本係要踏出舒適圈 殊不知,S&B最後成為左我嘅舒適圈
S&B帶比我嘅野,好似真係遠遠地more than sex
第六章:我是誰
入會去到一個位,嗰人有啲迷失 覺得好精神分裂 每個人入到黎都話,想做翻真正嘅自己 但你話一晚不停左擁右抱,連續入好多次房嘅個個,係咪就係完全真實嘅我呢? 不 那是,將內心鹹濕色女那塊放大左嘅我 無可否認,Rapunzel呢個角色,的確有誇張、扮演嘅成分 我並唔係真係咁壞,咁無自制力 我亦並不完全討厭要做乖乖女,做翻個單純嘅平凡女孩,與朋友每日嬉鬧,過著雖然沒有性、情愛、男人,忙碌刻苦但有小確幸嘅簡單生活,那也是我現在非常珍惜的
到頭來,好似變到兩邊都不太是自己 一夜瘋狂後,離開場地走出門口,係深夜寧靜嘅街道漫步,都有種熱鬧過後嘅失落感 要翻到去並不那麼精彩有趣嘅生活,翻到那個永遠唔會有人理解’Rapunzel’嘅世界,要時常提心吊膽唔好展露Rapunzel人格 孤獨感席捲而來
但每次同朋友講完再見 入到活動場地 (剛入會嘅時候) 見到男的西裝骨骨,女的優雅知性,富女人味 喝著紅酒,談論著我插不了嘴嘅成人話題 畫面和環境太大分別,我一時之間適應不了 好似開錯門,去左唔屬於我嘅地方,有衝動想關上門,翻翻去同齡人度嘻嘻哈哈講幹話
究竟我係咪唔太適合呢種場合呢?
後來,我想通了 其實兩個都係我,乖乖女和色女 唔應該否定任何一個嘅存在 我接受了,自己本來就是那麼一個矛盾嘅載體 兩種生活互補,互相平衡、調劑,才算是活成最真實嘅自己
S&B完滿你嘅生活,你嘅生活亦同樣完滿你S&B嘅體驗
無錯S&B的確係減壓嘅好地方 但S&B並唔能夠解決你生活所有問題 呢度可以係一個生活嘅getaway,但唔係逃避問題嘅地方 始終都要先做好自己現實生活嘅本份 亦唔可以忽略現實生活中嘅正常社交,將S&B學到嘅社交技巧,你對會員嘅關愛、真誠,推而廣之去發放比身邊人
最後,老土都要講 感激感激... 相當慶幸選擇係S&B行成人禮,感恩一路走來有大家陪伴 我成日想像如果當初無入會,會點? 一諗到要抹去呢年嘅經歷同成長,人生走馬燈就好似穿左個大窿,留下一大片空白...
有好多人要感謝... 特別多謝大佬,應該係除左父母以外,全世界最錫我嘅人,湊細路咁湊,陪我溫書,投餵好西,完全寵壞曬囉 付出嘅時間同心思,遠超一個sex party會長嘅本份,但因此呢份人情味同溫馨,亦體現係S&B,係一個家嘅感覺 背後睇到你嘅辛勞,你嘅不容易,更加感恩有S&B有你
Solar:my mentor~ 你嘅溫柔係黎自對每個人嘅真誠,黎自你男子漢嘅感性,黎自你嘅謙卑,入會多久仍會對每次入房機會,心存感激和雀躍,但有時覺得你聰明得有點討厭keke,咩都睇穿,哼糊弄不了你,點可以聰明過我吖!
仲有... Luigi Fallen Day Daryl 村上 Mouse Frank Rio Laurence Dino Real Jax Shadow Pollux SunnyB Randolph Issac Hockey 阿草 史力奇 Luke 阿火 Mustard Leo Dallas Jet Bass Negan 阿吉 TOP
當然仲有女會員ssssss,啾咪~ 好多人好耐無見,唔知會唔會再見,但祝願一切安好,感激係那時那刻嘅相遇,美好回憶會永遠好好地收藏係腦海入面,閒時翻出來揭揭,想必也會一樣會心微笑
感謝! To be continued…
|