真正展現內在的時候

edmund

話說前排剛再睇返呢套戲，在聊天室咁啱又講開cult 片，就想過來留個言。
大佬你平時在活動都好忙，又要睇住個場又要睇住大家有冇做正經嘢，其實我好想搵機會同你傾下閒偈都冇機會，而家先發覺可以喺呢度。

我記得你提過你鍾意睇書同睇電影，而在活動播的電影全部都係正嘢，有機會都想聽你講下。

〈一個字頭的誕生〉的確係正嘢嚟，撇開在古惑仔電影正紅的年代拍出質感截然不同的黑社會片已經值得一睇的樣，我最鍾意係呢套電影入面全部都係社會上一角的小人物，而一念之差，正影響一個人成佛定成魔，風流定折墮。

戲入面兩個平行時空好似不同得好誇張，但劉青雲仍然係果個劉青雲。唔打得，身為黑社會車都唔識揸。兩個時空入面劉青雲都有啲狗屎運，但在骨場果一念揸得緊唔緊，有冇堅持落去，結果人生就完全唔同。
我哋嘅生活又何嘗唔係咁？我哋冇辦法去計算每一個行為的結果，但人愈大，就漸漸知道正念的重要性，只要揸住正念做人，對得自己對得人，就算心情高低起伏，都自自然識得不亢不卑坦然面對。

高尚唔高尚（其實我成日覺得「高尚」呢個詞帶點虛偽的感覺），有時唔係特登做出嚟，其實亦特登做唔到。好多時「好」定「唔好」，其實都係從心而發，自然而然...