Swing and Bang Club 【 S ＆ B 】 - Safe Sex Club .....[我們都是友善、不甘於生活平凡，敢於面對自己所需的人]

Title: 盂蘭神功 [Print this page]

Author: Chris Time: 17-7-2014 15:24
Title: 盂蘭神功
[盂蘭神功]，點解唔就咁叫[盂蘭]，簡單得來有氣勢，現在有畫蛇添足的感覺，東南亞或內地唔知會唔會以為係什麼武功。

開首一個婆一個孫，夜媽媽燒街衣，好有氣氛，婆婆感到環境有異樣，見到馬路上有個黑影加埋車底果隻鬼，當時我心中一凜....好流，
之後一段花旦戲，我完全認唔到果位女角原來係....，
片中既色調比較灰暗，黑夜的時間較多，慣常鬼片的處理，沒甚驚喜，
女花旦同張家輝兩條線穿插發展，但感覺好奇怪，年代好含糊，張家輝和其同父異母的妹一時用智能電話，一時住既地方又好比六、七十年代，
醫院探病一幕，裝粥果個膠籃在畫面中央，尤為礙眼，好明顯又想扮七十年代，以便將張家輝和女花旦的年代混為一起，
換句話講，即係想隱瞞兩段戲存在響唔同年代。
戲入面用左唔少突如其來既聲效嚇人，呢個係我眼中又低手又討厭既手法，而以上效果既出現比較堆砌無厘頭，為嚇而嚇。
其中一幕醫院探病，張家輝和劉心悠搭電梯，竟然有個婆婆推住條屍入去，又發生唔知乜野地方乜野時代既疑惑，香港宜家點可能發生咁既事呀？唔比人鬧死至奇。
仲要個阿婆，神婆上身，對住家輝危言相勸。
[attach]9224[/attach]

戲入面抄襲(向各經典影片致敬吧)成份頗多，連加拿大藍可兒事件都加入左，
[attach]9225[/attach][attach]9226[/attach]
但感覺比較堆砌夾硬，
睇到大半，都未知到底套戲中心主旨想講乜，連係唔係香港都唔知，好似見到西港城，不過又唔肯定，
回到家，上網睇至知道原來響馬來西亞取景，但到底佢係講緊香港定係馬來西亞呢？，

華語片以戲班為背景既戲有唔少，舊有洪金寶洪家班既「人嚇鬼」或「敗家仔」，較近的有陳弈迅、容祖兒的「魂魄唔齊」，但加埋盂蘭一齊就比較少，應該可以發揮既地方可以好多，
不過睇完，真係失望加埋有好多問題(號)或發現有好多破綻，求其寫一下....
1.點解大陸既女朋友生意失敗，要分手就自殺？張係咪做左尐乜野大傷害既事？
2.自殺左就要番黎攪佢？攪佢定劉心悠？仲要益自己前男友？
[attach]9228[/attach][attach]9229[/attach]
3.除左間房就無其他地方訓？猛鬼到咁都要繼續住？腳都傷成咁，仲要爬樓梯訓樓上？
4.邊個要拜祭張家輝？如果人為整蠱既，到底係邊個？如果係鬼，識得拜祭人，咁仲駛鬼比人拜咩？自己拜自己喇~咁勁。
5.好多沒由來既憎恨或愛，例如點解張父咁錫張家輝？(對比對個女黎講)話佢離開左十幾年，攪生意攪左十幾年至比人呃？女朋友又拍左幾耐？個妹都係得果廿零歲，恨阿哥可以恨咁耐？
戲班內既人點解會咁唔妥張家輝做代班主？都係為件事，為左黎緊既神功戲就黎開籮，邊個做都好，如同皇帝繼位，都只係要個頭兒，做個樣，駛唔駛咁唔妥佢？
佢唔做，唔通有人更有份量坐呢個位，
[attach]9227[/attach]
觀乎戲內又唔覺有，連最惡果個劉心悠都撐張家輝，總之唔知佢地攪乜事；張家輝打電話比朋友(應該十幾年無見)，
原本都話出黎，一講[睇下有乜野攪下]就唔敢出黎，係咪張既為人以前好富二代好不可一世之類，無交代，
好多unknown item，只可以講個劇本薄弱求其，總之人物設定係點就點，駛乜(定唔識得)解比觀眾知。
6.好戲原來真係在後頭，為左唔想劇透(我都想大家撐張家輝，買飛入場睇下)更多和更大既犯駁原來在後頭，留番比未睇過既人去發掘。

睇完真係可以有好多話題，好開心，曲線令到自己開心，係鬧到笑....(介紹比我睇呢套戲果位資深會員，響我投訴既事後評語：你睇你家下睇完咪幾開心。....我頂你丫！

)

縱觀全片，導演手法幼嫩，眼高手低（眼高其實係好事，至少有目標，手高唔高睇以後點磨練），生抄硬砌放入好多其他鬼片的手法，無創新，我會體諒係第一次，希望家輝要努力做多些功課；情節犯駁，劇本老套 - 編劇鄭建國，我真係要認住你，導演我就認住黃精甫，都係要小心諗過度過至好入場。

Author: 杜杜 Time: 17-7-2014 15:53
條trailer剪得幾好！好在無中伏！黃精甫 -- 絕對會因為導演而唔會入場睇

近排好忙睇戲咁wo !

Author: Chris Time: 17-7-2014 15:56

Toby replied at 17-7-2014 15:53
條trailer剪得幾好！好在無中伏！黃精甫 -- 絕對會因為導演而唔會入場睇

近排好忙睇戲咁wo !{:titter ...

你睇我連睇完[愛之放題]既試片都未得寫，未得閒出活動，就趕住要出呢篇就知我有幾激動喇~~

黃精甫....果套[驚]典(響張戲院凳上典黎典去)片....江湖，真係驚為天人，可以將一大班好戲之人，拍到呢個效果，呢個成積，絕對要留意呢個人。

Author: 杜杜 Time: 17-7-2014 16:13
不過又咁，你都係愛／撐“家輝”哥至入場睇，破綻多一向係香港電影老毛病，編劇係最差一環！
成套片無論色tone同音效同跟“見鬼”相似，我估唔太差點知都係...

咪當睇下其他燈光，影攝技巧果D lor, 應該重有D野睇嘅！

資深而又鍾意電影嘅會員？我應該知係邊個

Author: Auntie Time: 17-7-2014 16:52
其實我覺得條trailer 真係剪得幾好呀, 至少我第一時間就去睇哩套戲~

我覺得鬼片嚟講呢, 佢都幾好笑呀, 仲要係回心微笑~~~~~~~~

都係嗰句啦, 有輝哥無奔波~~~~~~~~~~~~~~~支持輝哥~

Author: Chris Time: 17-7-2014 18:09

benji replied at 17-7-2014 17:38
套戲個故事好唔完整

直頭想留條尾拍前傳咁款喇~

Author: Chris Time: 17-7-2014 18:12

Toby replied at 17-7-2014 16:13
不過又咁，你都係愛／撐“家輝”哥至入場睇，破綻多一向係香港電影老毛病，編劇係最差一環！
成套片無論色t ...

梗係唔難估喇，有邊個資深會員夠膽扇完我之後仲夠薑同我講咁風涼既說話丫丫丫~

Author: Dino Time: 17-7-2014 20:09
鬼片真係無乜興趣(我都唔怕嘅)，睇到電視賣廣告其中一個short "劉心悠被上身:我要著佢件衫！" ...呢下我真係笑到噴飯，因為個感覺好似<我隻左眼見到鬼>中，肥妹怪獸上身勁食嗰幕....

近年嘅張家輝我好like, 經過了<變4>膠膠的兩個幾鐘，相信小弟可以入場支持一下嘅！

Add post (17-7-2014 20:22):
同埋我都好鍾意心悠bb架

Author: 阿西 Time: 17-7-2014 21:48
我都睇左....劇本太差....
1) 主角呆車車廢柴...
最正常而又有印象既果句對白竟然只有死前果句 "唔好攪我老豆要攪全部黎攪我"...
2) D鬼真係太野蠻了吧... 無啦啦踩場又要上身又要人死...
仲諗住有個好似羅蘭姐咁既神婆出黎驅鬼
3) 背景不詳...醫院竟然會推死人入去同訪客同LIFT 整架9唔答8既白車...完全破壞香港人期待既親切感

好彩...仲有劉心悠