UID26234
Posts
Threads
Online time Hours
Listenings
|
Reister NOW!! 馬上註冊,了解更多活動內容,享用更多功能,讓你輕鬆玩轉S&B。
You have to Login for download or view attachment(s). No Account? Register
x
成人之路
心路歷程呢樣野其實真係好複雜,我無乜文筆可言,所以盡量以直述為主
其實好早好早之前已經從全身濕之娃上面認識左SNB,但當時聽左都只當笑談,望住塊鏡——一件垃圾,去到都只係丟人現眼,算吧啦
直至最近,生命中充滿左缺陷,發現實在需要性黎填補,沉淪左一段時間後,竟然正好見到01既報導,即時唔諗咁多,去馬
我為人相對衝動又大意,幾日之內就填好份表影好哂相交齊野,結果當然係交表後發現自己答錯野
之後我就決定將勤補拙,既然我唔係好身材,起步比人慢,咁就一星期練足七日吧;既然我記性差又面盲,咁我就每樣讀三次吧;
在等待期間發生過好多心理變化,由緊張、惆悵、懷疑自己,慢慢變得放鬆,自在,順其自然,期間少不了一眾壇上朋友的鼓勵,如果無你地,我諗我未必支撐得到大佬批既一刻
最令我感受深刻既係,某年某月既某一天,我竟然因為做緊GYM而有一個MISSING CALL!!!!!
一段長時間既朝思暮想令我幾乎痴左線,打返返去竟然係打唔通,又係一晚訓唔著,之後日日電話不離身,直至一段時間後既某日,竟然有同一個電話打過黎!
「DAY」
我呆左一段時間,甚至要大佬再提多我一次我先有反應
「係,我係」
... ...下刪若干字... ...
心入邊開始相信,天道酬勤,比心機係真係會有幫助既。
之後安排驗血,用最快速度BOOK好左時間之後立即驗血,驗完即刻報告大佬
然後就好似劉姥姥逛大觀園咁,漫遊自拍區,見到好多俊男美女既好身材,又比左好多壓力自己
又開始仔細睇動後,越睇越大壓力,佢地形容到咁美好,我做唔到點算?
懷著不安既心情,終於報名活動,夾岩時間,去馬!
期間不多說
活動當天
準時到達,第一時間通知大佬,在風中等待了一段時間,原本想去廁所,諗唔到大佬突然一句「落黎接你」,就瀨都縮返入去先
矇眼入場,令原本緊張既心情變得更緊張,幸好大家既氣氛真係好似一個溫暖既大家庭,好快我就放鬆左,甚至全程面露微笑(我自己都唔知自己笑乜)
矇住眼摸手仔估男女,又隔住眼罩認識左一部分既朋友仔
期間肚餓仲表演左一輪矇眼食蕉,估唔到原來自己被圍觀緊
最令我緊張既係原MENTOR原來未到,大佬臨時決定轉MENTOR——登登,就係豆腐喇
原本我同豆腐都有起壇上傾開計,熟悉應該無問題,估唔到...
沖涼,驗身
感覺到MENTOR豆腐比較適合被主導,過程中我都嘗試做主導角色,估唔到眼罩實在令人又愛又恨,聽到豆腐可愛既聲線令我特別興奮,但睇唔到野又好難照顧周到,只能匆匆沖完個涼,無法玩出什麼情趣
沖完涼後起大廳坐左一陣,好快就安排左驗身,入房後隱約聽到有兩至三位美女既聲線,唔記得請教驗身妹妹芳名,只記得檢查得細心又溫柔,差點令小DAY抬頭致敬
入房
話咁快就到入房,矇眼真係一種良好既加溫體驗,好容易就令到小DAY起立致敬
然而我真係唔太識調情,加上無乜經驗,講講下同豆腐兩個一起大聲笑,唔知做緊乜
見氣氛怪怪地,只能使出絕招——疼痛按摩術,在豆腐身上四處遊走,按到豆腐連連喊痛
但按摩後效果又似乎唔錯,好快感覺到豆腐慢慢在我手中由硬變軟,趁機用正骨變邪骨,輕輕抱住豆腐,施以毒舌,從上而下各處進攻,努力嘗試每一個可以彈出更美妙音階既琴鍵
然後舌尖處嘗到細水長流,係時候放小DAY出馬
估唔到一陣運動之後——小豆腐似乎吃痛,連稱慢D慢D,體位似乎唔岩,轉為DOGGY——卻是悲劇的開始
中間經歷一系列令小DAY無顏見江東父老既事之後
小DAY開始垂頭喪氣,失去了一切神采,嘗試過幾種努力無果,只能以擁抱作結
調整心態,重新出發
出到大廳,痛定思痛,決定認住所有人既名(雖然最終都係無能為力),用勤奮彌補一切,熟讀場規,同各位朋友仔閒談,努力了解同記住每一個人既名、表現、性格、相貌
(其實DAY係一個極嚴重既面盲,而且記性差到到金魚差唔多,同一件事人地記一次,我要記二十次先記得)
經過一番努力之後,認識左大家,真係令我覺得不枉此行,其實即使無法完事,我亦感到滿足
不過下次我一定會練好武功,令小DAY可以整晚抬頭挺胸
最後,因為出場人士近四十,開眼後一部分人已入房,所以未能全部認識,以下只列出有自我介紹,而我又記得既各位朋友
特此鳴謝:
男:好身材又靚仔既Daryl、陪我吹左好耐水既Driven、自爆既山治、鬼馬型既Arthur、身材好又型仔既Real、勤力練功的Mustard隊長、成日淨係記得佢有相機既Hendo、成熟而充滿魅力既雲師兄、認漏左你個名既Mouse、只聽其名無緣交流既豬仔、予我飲食既大佬
女:可愛型既Mentor豆腐、臨別留下美麗倩影既Silvia、青春可人既Toki、嬌小可愛既Cara、誤會左係第二個美少女既Haley、出乎我意料既Nina、用美貌震驚左我好耐既Gill、幾好傾既Miu、親切既Rimmi、帶病探班的COCO大師、比我成日叫左if咩da既Elfrida、無機會傾到計既Cecilia、令我產生濃厚興趣既Rees
如有遺漏,請大巴大巴打醒我,我下次一定會記得(絕對唔係因為我有微量M傾向)
|
|